بسم الله الرحمن الرحيم
الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم
بسم الله الرحمن الرحيم
ياايها اللذين امنوا ادخلوا في السلم كافة ولاتتبعوا خطوات الشيطان انه لكم عدوا مبين
انهم يكيدون لنا ويتمنون لنا سوء الخاتمة هي الدنيامن اجل الخاتمة هناك من يعصى الله ويؤمن في اخر دقائق من حياته والله الغفور الرحيم يرحمه_وهناك من يعمل صالحا وعند اخر دقائق حياته يقع في معصية انا هانحكيلكم قصه بس قبلها بنقول حاجه،،،انت شن عرفك امتى اخر دقائق في عمرك يمكن الليله او بكرا.....الحق نفسك انت خلقت للعباده وانحب انذكرك ان الشيطان يشتغل من توا الى ان يخليك تعصي ف اخر الدقائق
انتمنى اتكون مستعد عند نزول ملك الموت ليقبض نفسك
اسف لأني طولت،،،
نبدو فالقصه ويهديكم الله:)
هي عن بنت... تلبس في البدي ولملابس الضيقه واتحط في المكياجات والالوان وعايشه حياه معصيه والعياذ بالله وتسمع فالاغانى
ففي مره تمشي فالشارع فسمعت صوت الاذان في المسجد فالبنت بكت اذكرت انها كانت عايشه بعيد عن دينها ف ذهبت الى داخل المسجد وكان معها بنات خالاتها فدخلت الى حمام المسجد ومسحت المكياج وحلفت انها لن تخرج الا وهي متحجبه فاحضروا له الحجاب ولبسته وكانت سعيده اول مره تحس براحه ف النفس فعندما خرجت راجعه الى البيت لكي تصلي ماانتبهت فالطريق فخبطتها سياره وانتقلت الى رحمه الله ياسبحانك ياهادي
وهذا لموقف لبرصيصه
رجل الدين لبني اسرائيل فكان يضرب به المثل فالعباده الرجل الذي بنى صوبعه ع الجبل فالشياطن ماعرفش كيف ايدير معاه يبي يفتنه ع حاجه ماعرف يبي يفتنه ع إمرأه ماعرف يبي يفتنه ع عباده ماعرف فأحد الابلسه قال له: سيبه ليا : مشى لبس ملابس عابد وبناء صوبعه جنب صوبعه برصيصه ع الجبل وقعد يعبد ف الله ليلا و نهارا جنب برصيصه اذ برصيصه تعب هو ماتعب اذ برصيصه فطر هو مافطر لو بطل برصيصه الصوبعه دقائق ليرتاح يلقا الشيطان ماايبطل
وبعد فتره دخل الشيطان ع برصيصه فقال له: ياعبد الله علمني ممن علمك الله
فقال: برصيصه انا انعلمك قاله انت من اولياء مفروض انت تعلمني
بالله شفتو الشيطان كيف اقنعه وخلاه ايصدقه.... يلا انتابعو بقيه القصه
قاله الشيطان حاضر انا هانعلمك اسم الله الاعظم قاله اذ قريته ع احد الجن يخرج من جسمه_ فامشى الشيطان يمس اي احد فالقريه وايقول اتوا به لبرصيصه فابرصيصه يقرا عليه الاسم فيخرج الشيطان فابرصيصه اعتقد انه ولي والناس تعتقد ان برصيصه ولي يمشي الشيطان يمس الاول والثاني والعاشر
ركز انتبه ياملتزم انتبهي يامنقبه انتبه ياللي دخلت فالطريق الصحيح جديدا انتبهي ياللي دخلتي فطريق السعاده جديد انتبهوا ايها التائبون
بعدها مشى الشيطان فا مس اجمل فتاه في هذه القرية فاجابوها لبرصيصه ع طول قراء عليها الاسم ماطلع حاول ماطلع _ فالشيطان قال لبرصيصه هذي شكلها ذنوبها كثيره قاله خليها عندك شوي عشان اتوب ع ايديك فتقرا عليها الاسم يخرج
برصيصه قاله لايجوز انها فتنه قاله كيف تحط قدامي الفتنة فالشيطان قاله انت برصيصه انت ماتنفتن قاله انت يمكن ينضحك عليك؟؟قاله لا انت لايمكن ان تتأثر
حطها قدام برصيصه وأهل البنت وافقوا فالشيطان قعد يفتن يفتن في برصيصه لحد ماغراته الشهوة في لحظه قام برصيصه فوقع عليها فزنا بها فاالبنت حملت
جاه الشيطان قاله يابرصيصه ماذا ستفعل؟ قاله هاتنفضح فقال برصيصه والحل؟؟ قاله تقتلها وطاويها واتقول لأهلها انها هربت قاله كيف نقتلها هذا حرام ؟ قاله الشيطان يعني برصيصه ينفضح؟؟ قاله اقتلها وهاترد بعدها رجل صالح
قتلها وطواها وقال لأهلها انها هربت الشيطان مشى لإهل القريه وقالهم ماهربت إبنتكم قتلها برصيصه ودفنها وهي حامل
فذهبوا فوجدوها لقوا الموضوع صحيح فخرجوا أهل القرية ع صوبعه برصيصه وكسروها دخل علية الشيطان وهو ملهوف
قاله يابرصيصه هل تريدني أنجيك؟ قاله اه انجدني قاله الشيطان اسجد لي قاله شن لا هذا حرام قاله اسجدلي ولا انسيبك؟ مانقدرش،،اسجدلي
فاسجدله سابه دخلوا اهل القرية فقتلوه وهو كافر والعياذ بالله
يعني الشيطان قعد يلف في هدا كله عشان اخر 7 دقائق في حياتك ياعبد الله عشان خاتمة السوء مش عشان المعصيه
هي حاجه،،،، ماتختلطوا بالنساء فالشغل او بالجامعه او ببيت قريبك لا تقول بنت عمي او اخت صديقي او أي احد لأنك انت ماكنت افضل من برصيصه
والسلام عليكم
.-king-buzz-.@Nimbuzz.com